Bedew batly ösüşli ýyllar

      Ýaňy-ýakynda, Lebap welaýat Taryhy we ülkäni öwreniş muzeýinde 2026-njy ýylyň şygarynyň many-mazmunyny wagyz etmek, dabaralandyrmak maksady bilen, Lebap welaýat häkimliginiň gurnamagynda ,,Garaşsyz, baky Bitarap Türkmenistan – bedew batly at-myradyň mekany” ýyly mynasybetli maslahat geçirildi hem-de ýetilen sepgitlere bagyşlanan sergi guraldy. Maslahata jemgyýetçilik guramalarynyň wekilleri, welaýatyň degişli edara – kärhanalary, welaýat medeniýet müdirligi hem-de talyp ýaşlar gatnaşdylar.

       Geçirilen bu maslahatda ýurdumyzda gazanylýan üstünlikler, şanly ýylymyzyň şygarynda we nyşanynda orun alan milli gymmatlygymyz bolan türkmen bedewleri dogrusynda täsirli gürrüňler edildi.

     Maslahatyň ahyrynda oňa gatnaşanlar türkmen halkynyň atşynaslyk däplerini gorap saklamak, ösdürmek we dünýä ýaýmak, şeýle-de atly sporty, sirk sungatyny ösüşiň täze belentliklerine çykarmak ugrunda edýän taýsyz tagallalary üçin Gahryman Arkadagymyza we Arkadagly Gahryman Serdarymyza alkyş sözlerini aýtdylar.

Ogulsapar Joraýewa,

Türkmenistanyň Magtymguly adyndaky

Ýaşlar guramasynyň Lebap welaýat Geňeşiniň

guramaçylyk bölüminiň esasy hünärmeni.

Köp okalanlar