Lebap welaýat häkimliginiň, Türkmenabat şäher we etrap häkimlikleriniň hem-de olaryň garamagyndaky edaralaryň we kärhanalaryň arasynda “Kiberbäsleşik” çäresi geçiriler.

     Lebap welaýat häkimliginiň, Türkmenabat şäher we etrap häkimlikleriniň hem-de olaryň garamagyndaky edaralaryň we kärhanalaryň maglumat giňişligini kiberhowplardan goramak, kiberhüjümleri ýüze çykarmak, duýdurmak, olaryň öňüni almagy başarýan hünärmenleriň kiberhowpsuzlyk babatynda bilim derejelerini ýokarlandyrmak we bu ugurda ýaş hünärmenleri höweslendirmekligi durmuşa ornaşdyrmagyň çäklerinde “onlaýn ders bäsleşigi” geçirilýär.

     Bäsleşik Lebap welaýat häkimliginde, Türkmenabat şäher we etrap häkimliklerinde hem-de olaryň garamagyndaky edaralarda we kärhanalarda onlaýn gatnaşmak arkaly geçirilýär.

     Bäsleşik, 2025-nji ýylyň 1-nji aprelinde sagat 15:00-da bellenilen edaralarda bir wagtda geçiriler. I, II we III orunlara mynasyp bolan ýeňijileri Türkmenistanyň Ministrler Kabinetiniň ýanyndaky Ulag we kommunikasiýalar agentliginiň we Türkmenistanyň Bilim ministrliginiň utgaşdyrmagynda ikinji-toplum ara bäsleşigine gatnaşmaga hödürlenýär we gymmat bahaly sowgatlar bilen sylaglanýar.

Köp okalanlar