Lebap welaýat kitaphanasynda «Türkmenistan-beýik başlangyçlaryň ýurdy» atly dabaraly maslahat geçirildi.

   Berkarar döwletimiziň täze eýýamynyň Galkynyşy döwründe Garaşsyz baky Bitarap Türkmenistan döwletimiz durmuşyň ähli pudaklarynda bedew bady bilen öňe barýar. Bu günki gün bagtyýar halkymyz ýene-de bir täze ýyla «Halkara parahatçylyk we ynanyşmak ýylyna» uly ynam, uly ruhubelentlik bilen gadam basdy.

   Ýaňy ýakynda Lebap welaýat kitaphanasynda «Türkmenistan-beýik başlangyçlaryň ýurdy» atly dabaraly maslahat geçirildi. Maslahata welaýatymyzyň dürli pudaklarynda zähmet çekýän öňdebaryjy ýaşlar, jemgyýetçilik guramalarynyň wekilleri hem-de talyp ýaşlar gatnaşdylar.

   Çykyş edenler «Halkara parahatçylyk we ynanyşmak ýyly» mynasybetli geçiriljek dabaralaryň eziz Diýarymyzyň hemişelik Bitaraplygynyň şanly 30 ýyllygy bilen utgaşýandygyna aýratyn ünsi çekip, onuň şöhratly taryhymyza altyn harplar bilen ýazyljakdygyny aýratyn bellediler.

   Maslahatyň ahyrynda oňa gatnaşanlar halkymyzy bagtyýar durmuşyň gujagynda ýaşadýan türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza tüýs ýürekden çykýan alkyş sözlerini beýan etdiler.

Manzura BERDIÝEWA

Türkmenistanyň Magtymguly adyndaky Ýaşlar guramasynyň Lebap welaýat Geňeşiniň kätibi

Köp okalanlar