Lebap welaýatynyň Bedenterbiýe we Sport baradaky baş müdirliginde «Bütindünýä Saglyk güni» mynasybetli tegelek stoluň başyndaky söhbetdeşlik duşuşygy geçirildi.

     Lebap welaýatynyň Bedenterbiýe we Sport baradaky baş müdirliginde «Bütindünýä Saglyk güni» mynasybetli tegelek stoluň başyndaky söhbetdeşlik duşuşygy geçirildi. Duşuşykda çykyş edenler Berkarar döwletiň täze eýýamynyň Galkynyşy döwründe ösüş we innowasiýalar eýýamynda köpçülikleýin bedenterbiýe we sport durmuşymyzyň aýrylmaz bölegine öwrüldi. Köpçülikleýin sporta gyzyklanma, sport çäreleri ähli welaýatlarda hem giňden ýaýbaňlandyrylýar. “Gysga döwrüň içinde eziz Diýarymyzda dünýä ölçeglerine laýyk gelýän iri sport hem-de atçylyk-sport toplumlary, stadionlar, sport mekdepleri, Olimpiýa şäherçesi gurlup, döwrebap sport düzümleri döredildi. Her ýyl ýurdumyzda Bütindünýä saglyk güni giňden bellenilýär. Bu baýramçylyk ýurdumyzyň milli senenamasynda möhüm orun aldy. Bütindünýä saglyk güni her ýyl 7-nji aprelde, Bütindünýä Saglygy Goraýyş Guramasynyň 1948-nji ýylda döredilen gününde bellenilýär. Şol taryhy günden bäri geçen döwürde dünýäniň 194 döwleti bu guramanyň agzasy boldy. Saglyk gününiň her ýyl bellenilmegi 1950-nji ýyldan bäri däbe öwrüldi. Bütin dünýäde saglyk güni hakynda maglumat beriş-wagyz ediş çäreleri geçirilýär. Ýurdumyzda bolsa şeýle möhüm çäreler her ýyl aprel aýynyň bütin dowamynda işjeň ýagdaýda geçirilýär. Bu çäreler adamlaryň saglygyň durmuşda nähili uly ähmiýete eýedigine doly düşünip bilmekleri üçin guralýar diýip uly buýsanç bilen aýdyp geçdiler.

     Duşuşygyň dowamynda oňa gatnaşanlar berkarar döwletimiziň gülläp ösmeginde asylly işleri amala aşyrýan täze taryhy döwürde eziz Diýarymyzy, mähriban halkymyzy röwşen geljege alyp barýan, dünýä ýüzünde parahatçylygy, durnuklylygy we asudalygy pugtalandyrmakda ägirt uly tagallalary edýän, sport bilen meşgullanmaga giň mümkinçilikleri döredip berýän, ilat saglygyny ähli zatdan öňde görýän türkmen halkynyň milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözlerini beýan etdiler.

Türkmenistanyň Magtymguly adyndaky

Ýaşlar guramasynyň Lebap welaýatynyň

Çärjew etrap Geňeşiniň başlygy                             Serdar Jumamyradow

Köp okalanlar