Merkezi Aziýa ýurtlarynyň parlamentarileri Hywada forumda duşuşdylar.

12-13-nji sentýabrda Özbegistanyň Hywa şäherinde Merkezi Aziýa döwletleriniň ikinji parlamentara maslahaty geçirildi. Bu sebitleýin çärä Türkmenistanyň Mejlisiniň wekiliýeti, şeýle hem Merkezi Aziýanyň beýleki ýurtlarynyň parlament wekilleri gatnaşdy diýip, Türkmenistanyň Mejlisiniň Metbugat gullugy habar berýär.

Forum Merkezi Aziýa döwletleriniň arasynda ýola goýlan dostlukly hyzmatdaşlyk gatnaşyklaryny parlamentler derejesinde goldamagy, sebitde parlamentara gatnaşyklaryny ösdürmegi, ýurtda durmuş-ykdysady ösüşlere parlament wekilleriniň işjeň gatnaşmagynyň oňyn tejribelerini ýaýratmagy maksat edinýär.

Maslahatyň çäklerinde oňa gatnaşyjylar wekilçilikli edaralaryň işini kämilleşdirmekde, zenan-gyzlaryň we ýaşlaryň döwletiň durmuş-ykdysady durmuşynda işjeňligini gazanmakda milli tejribeler barada paýlaşdylar, şeýle hem, parlamentara dostluk toparlarynyň, ugurdaş komitetleriň arasynda hyzmatdaşlygy giňeltmekde täze oňyn ýörelgeler barada çykyş etdiler.

Köp okalanlar