«Türkmen alabaýy – milli gymmatlygymyz» ady bilen maslahat duşuşygy geçirildi.

     «Halkara parahatçylyk we ynanyşmak» ýylynda Türkmenistanyň Magtymguly adyndaky Ýaşlar guramasynyň Lebap welaýat, Türkmenabat şäher Geňeşiniň hem-de Lebap welaýat Taryhy we ülkäni öwreniş muzeýiniň bilelikde gurnamagynda Türkmen alabaýynyň baýramy mynasybetli Lebap welaýat Taryhy we ülkäni öwreniş muzeýiniň mejlisler jaýynda «Türkmen alabaýy – milli gymmatlygymyz» ady bilen maslahat duşuşygy geçirildi. Maslahata il sylagly ýaşulular, kümüş saçly eneler, ýaş hünärmenler hem-de talyp ýaşlar gatnaşdylar.

     Maslahatyň dowamynda çykyş edenler köpasyrlyk taryhy döwrüň dowamynda halkymyzyň ruhy gymmatlygyna öwrülen alabaýlar hakynda giňişleýin aýdyp geçdiler. Bellenilişine görä, türkmeniň alabaýy örän giň ýaýran tohum bolup, ýüzlerçe ýyllaryň dowamynda üýtgewsiz saklanyp galypdyr. Türkmenistanyň çäginde, ýagny Goňurdepede we Nusaýda geçirilen gazuw-agtaryş işleriniň netijesinde tapylan gulagy, guýrugy kesilip gysgaldylan güýçli köpekleriň heýkelleri munuň şeýle bolandygyna şaýatlyk edýär.

     Maslahatyň ahyrynda muzeýe guralan gezelenç bolsa has-da hem täsirli boldy.

Aýjahan MOLLAÝEWA,

Türkmenistanyň Magtymguly adyndaky

Ýaşlar guramasynyň Lebap welaýat

Geňeşiniň Guramaçylyk bölüminiň esasy hünärmeni

Köp okalanlar