Awgust maslahaty geçirildi

    Welaýat baş bilim müdirliginiň guramagynda «Arkadag Serdarly bagtyýar ýaşlar» diýen at bilen bilim işgärleriniň däbe öwrülen awgust maslahaty geçirildi. Welaýat saglygy dikeldiş okuw-terbiýeçilik toplumynyň mejlisler zalynda guralan çärä iri jemgyýetçilik guramalarynyň wekilleri, hünärmenler, öňdebaryjy bilim işgärleri gatnaşdylar. Onda çykyş edenler Gahryman Arkadagymyzyň we Arkadagly Serdarymyzyň taýsyz tagallalarynyň netijesinde ýaş nesle berilýän bilim-terbiýäniň hilini düýpli gowulandyrmak, bilim ojaklarynyň maddy-enjamlaýyn binýadyny kämilleşdirmek, okatmagyň öňdebaryjy usullaryny durmuşa ornaşdyrmak boýunça ýurdumyzda amala aşyrylýan işler dogrusynda buýsançly söhbet etdiler. Maslahatda täze, 2023 — 2024-nji okuw ýylynda bilim işgärleriniň öňlerinde durýan derwaýys wezipeler, okuw maksatnamalaryna girizilen üýtgetmeler barada hem jikme-jik durlup geçildi. Çäräniň dowamynda geçen okuw ýylynda ýokary görkezijileri gazanan bilim işgärlerine Hormat hatlary, gymmat bahaly sowgatlar gowşuryldy. Maslahatyň geçen ýerinde okuw-görkezme esbaplarynyň, el işleriniň sergisi guraldy.

Köp okalanlar