«Bagtyýarlyk» çagalar sagaldyş dynç alyş merkezinde « Sport bagtyň açarydyr» atly bäsleşik geçirdi.

     Berkarar döwletiň täze eýýamynyň Galkynyşy döwründe «Halkara parahatçylyk we ynanyşmak»ýylynda Çagalar sagaldyş dynç alyş merkezindäki çagalaryň wagtlaryny has şadyýan hem gyzykly geçirmegini we sagdyn durmuş ýörelgelerine eýerip ýaşamaklaryny gazanmak, sporta höweslendirmek maksady bilen, Türkmenistanyň Magtymguly adyndaky Ýaşlar guramasynyň Lebap welaýatynyň Türkmenabat şäher Geňeşi, Lebap welaýat Baş bilim müdirligi we “Türkmenistan” ýaşlar bedenterbiýe we sport guramasy bilen bilelikde «Bagtyýarlyk» çagalar sagaldyş dynç alyş merkezinde « Sport bagtyň açarydyr» atly bäsleşik geçirdi. Bäsleşik çekeleşikli we ýatda galyjylygy bilen tapawutlandy. Bäsleşikde ýeňiji bolan bagtyýar nesillere Türkmenistanyň Magtymguly adyndaky Ýaşlar guramasynyň Lebap welaýatynyň Türkmenabat şäher Geňeşi tarapyndan ýadygärlik sowgatlary gowşuryldy. Bäsleşigiň ahyrynda «Bagtyýarlyk» sagaldyş dynç alyş merkezindäki çagalar bagtyýar nesillerimiziň döwrebap mümkinçiliklerden peýdalanyp dynç almaklary üçin şertleri döredip berýän Türkmen Halkynyň Milli Lideri Gahryman Arkadagymyza, Arkadagly Gahryman Serdarymyza köp sagbolsunlaryny aýtdylar hem-de olaryň janlary sag, ömürleri uzak, belent başlary aman bolmaklaryny arzuw etdiler.

Ýusup BABAKULOW, 

Türkmenistanyň Magtymguly adyndaky

Ýaşlar guramasynyň Lebap welaýatynyň

Türkmenabat şäher Geňeşiniň başlygy.

Köp okalanlar