Darganata etrabynyň orta mekdepleriniň 10-12-njy synplarynda okaýan okuwçy oglan-gyzlarynyň arasynda “Sözi paýhas bezär, sazy-sungat” atly aýdym-sazly bäsleşiginiň etrap tapgyry geçirildi.

    Parahatçylygy we ynsanperwerligi, dostlugy hem-de hoşniýetliligi ýörelge edinen halkymyz saz gurallarynyň üsti bilen ylhama ýugrulan aýdym-sazlarymyz ynsana sarpa goýmagy ündeýär, bagtyýar durmuşda ýaşamagyň ýoluny salgy berýär, Watana, halka beýik buýsanjy artdyryp, nesilleriň watansöýüjiligiň we ynsanperwerligiň belent ruhynda terbiýelinmegine ýardam berýär.

    Türkmenistanyň Magtymguly adyndaky Ýaşlar guramasynyň Lebap welaýatynyň Darganata etrap Geňeşi, Darganata etrabynyň orta mekdepleriniň 10-12-njy synplarynda okaýan okuwçy oglan-gyzlarynyň arasynda “Sözi paýhas bezär, sazy-sungat” atly aýdym-sazly bäsleşiginiň etrap tapgyry geçirildi.

    Bäsleşikde TMÝG-nyň Lebap welaýatynyň Darganata etrap Geňeşiniň başlygynyň w.w.ý.ý Bagtyýarowa Firuza, TMÝG-nyň Lebap welaýatynyň Darganata Geňeşiniň guramaçylyk bölüminiň baş hünärmeni Allaberdiýewa Ýolly, Darganata etrabynyň Medeniýet öýüniň aýdymçysy Joraýewa Elmira, Çagalar Sungat mekdebiniň bagşy mugallymy Oraz Orazow, Darganata etrabynyň 5-nji orta mekdebiniň aýdym-saz mugallymy Ahmet Bagtyýarow dagylar eminlik etdiler.

    Bäsleşige jemi 16 sany okuwçy gatnaşdy.

    I-orna Darganata etrabynyň 13-nji orta mekdebiniň 10-njy “B” synp okuwçysy Rahmedow Mukam, II-orna Darganata etrabynyň 3-nji orta mekdebiniň 11-nji “A” synp okuwçysy Aýmyradow Serdar, III-orna Darganata etrabynyň 12-nji orta mekdebiniň 12-nji “Ç” okuwçysy Kakaýewa Arzuw dagylar etrap tapgyrynda ýeňiji boldular.

    Bäsleşige gatnaşyjylaryň ählisi höweslendiriji sowgatlar bilen sylaglandyryldy. Bäsleşikde ýeňiş gazanan okuwçylara Türkmenistanyň Magtymguly adyndaky Ýaşlar guramasynyň Lebap welaýatynyň Darganata etrap Geňeşi tarapyndan ýadygärlik sowgatlary hem-de hormat hatlary gowşuryldy.

 Türkmenistanyñ Magtymguly adyndaky

Ýaşlar guramasynyň Lebap welaýatynyň

Darganata etrap Geňeşiniň guramaçylyk bölüminiň baş hünärmeni             Ýolly Allaberdiýewa

Köp okalanlar