Farap şäher kitaphanasynda täze kitap sergisi guraldy

Çärjew etrabynyň Farap şäher kitaphanasynda «Kalby buýsançly türkmeniň» atly kitap sergisi guraldy. Türkmen klassyk şahyry Magtymguly Pyragynyň doglan gününiň 300 ýyllygyna bagyşlanan sergide şahyryň dürli ýyllarda neşir edilen goşgular ýygyndylary aýratyn orun tutýar. Bu ýerde türkmen şahyrlarynyň Magtymguly barada ýazan goşgulary, edebiýatçylaryň ylmy we ylmy-populýar işleri hem goýulypdyr. Şonuň ýaly-da, kitaphana gelýänler Aşgabat şäherine bagyşlanan neşirler bilen hem tanyşyp bilerler. Sergide goýulan türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň döwet galamyndan çykan kitaplar hem okyjylar tarapyndan uly isleg bildirilip okalýar. Kitaphananyň işjeň okyjylary serginiň ilkinji myhmanlary boldular.

Köp okalanlar