Gurbanguly Berdimuhamedow Aşgabatdaky foruma gatnaşmak üçin Gazagystanyň Prezidentine çakylyk ýollady

25-nji fewralda Türkmenistanyň Gazagystandaky ilçisi Batyr Rejepow Gazagystanyň Premýer-ministriniň orunbasary, daşary işler ministri Murat Nurtleu bilen duşuşdy.

Türkmenistanyň DIM-niň habar bermegine görä, taraplar 2025-nji ýylda geçirilmegi meýilleşdirilýän ikitaraplaýyn we köptaraplaýyn derejelerdäki çäreleriň rejesini ara alyp maslahatlaşdylar.

Şeýle hem türkmen-gazak hyzmatdaşlygynyň syýasy, söwda-ykdysady, ulag-üstaşyr we energetika ugurlary boýunça möhüm meseleleri ara alnyp maslahatlaşyldy. Ýokary derejede gazanylan ylalaşyklaryň iş ýüzünde durmuşa geçirilmegine aýratyn üns berildi.

M.Nurtleu Türkmenistan bilen strategik hyzmatdaşlygy mundan beýläk hem giňeltmäge we çuňlaşdyrmaga Gazagystanyň gyzyklanma bildirýändigini nygtady.

Şeýle hem Murat Nurtleu Türkmenistanyň Halk Maslahatynyň Başlygy Gurbanguly Berdimuhamedowyň adyndan Gazagystanyň Prezidenti Kasym-Žomart Kemelewiç Tokaýewe ýollanan Türkmenistanyň Bitaraplygynyň 30 ýyllygyna we Halkara parahatçylyk we ynanyşmak ýylyna bagyşlanan Halkara foruma resmi çakylygy gowşurdy.

Köp okalanlar