“Iň eýjejik gyzjagaz-2026” atly şadyýan bäsleşiginiň Köýtendag etrap tapgyry geçirildi.

      Türkmenistanyň Magtymguly adyndaky Ýaşlar guramasynyň Merkezi Geňeşiniň hem-de Türkmenistanyň Bilim ministrliginiň bilelikde yglan eden Milli bahar baýramy mynasybetli ýurdumyzyň umumy bilim berýän mekdepleriniň 2-4-nji synplarynda okaýan okuwçy gyzlarynyň arasynda geçiriljek “Iň eýjejik gyzjagaz-2026” atly şadyýan bäsleşiginiň Köýtendag etrap tapgyry geçirildi.

       Etrabyň 39-njy orta mekdebiniň mejlisler jaýynda geçirilen bu şadyýan bäsleşik örän çekeleşikli bolup onda Köýtendag etrabynyň 1-nji orta mekdebiniň 2-nji synp okuwçysy Maksadowa Medine I-orna; 1-nji orta mekdebiniň 3-nji synp okuwçysy Rahmanowa Muhabbat II-orna; 13-nji orta mekdebiniň 3-nji synp okuwçysy Kadyrkulowa Maýsa III-orna mynasyp boldular. Bäsleşigiň soňunda oňa gatnaşyjylara we ýeňijilerine Türkmenistanyň Magtymguly adyndaky Ýaşlar guramasynyň Lebap welaýatynyň Köýtendag etrap Geňeşi tarapyndan Hormat hatlary hem-de ýadygärlik sowgatlary gowşuryldy.

Roza TAŞPOLATOWA

Türkmenistanyň Magtymguly adyndaky

Ýaşlar guramasynyň Lebap welaýatynyň

Köýtendag etrap Geňeşiniň buhgalteri

Köp okalanlar