“Kitap – ylymlar çeşmesi” ady bilen wagyz- nesihat duşuşygy geçirildi.

     Ýakynda Darganata etrabynyň merkezi kitaphanasynda Türkmenistanyň Magtymguly adyndaky Ýaşlar guramasynyň Lebap welaýatynyň Darganata etrap Geňeşiniň, Darganata etrap bilim bölüminiň hem-de jemgyýetçilik guramalarynyň bilelikde guramagynda ýaş nesilleri watançylyk ruhunda terbiýelemek, olaryň ýokary hilli bilim almaklary, döredijilik we sport bilen meşgullanmaklary, ukyp-başarnyklaryny doly ýüze çykarmak maksady bilen “Kitap – ylymlar çeşmesi” ady bilen wagyz- nesihat duşuşygy geçirildi.

      Duşuşygyň dowamynda çykyş edenler kitap adamzat durmuşynyň deňsiz-taýsyz gymmatlygy, gaýtalanmajak oýlap tapmasydygy, ynsan ömründe kitabyň tutýan orny, onda adam ahlagyny terbiýeleýji, dünýägaraýşyny, gözýetimini giňeldiji, zehinini ýiteldiji güýjüň bardygy hakynda berk nygtadylar. Şeýle hem ýaş nesilleri watansöýüji, arassa ahlakly, belent adamkärçilikli, ruhubelent, giň dünýägaraýyşly, ylymly-bilimli adamlar edip ýetişdirmekde olaryň kitaba söýgüsini, okamak höwesini artdyrmagyň öran uly ähmiýetiniň bardygy, ýurdumyzyň kitaphanalarynda bolsa, döwrebap iş usullaryndan, sanly tehnologiýalardan peýdalanylmagynyň kitaphana hyzmatlaryny has-da kämilleşdirmäge mümkinçilik berýändigi barada gürrüňler edildi.

      Söhbetdeşligimiziň ahyrynda oňa gatnaşyjylar ylym-bilimi dünýä derejesinde ösdürýän, döwrebap kitaphanalarda döredijilikli işlemäge oňyn şertleri döredýän türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun, alyp barýan tutumly işleriniň rowaçlyklara beslenmegini tüýs ýürekden arzuw etdiler.

Firuza BAGTYÝAROWA,

Türkmenistanyň Magtymguly adyndaky

Ýaşlar Guramasynyň Lebap welaýatynyň

Darganata etrap Geňeşiniň başlygynyň w.w.ýe.ýe

Köp okalanlar