Lebap welaýat kitaphanasynyň öňündäki meýdançada ýurdumyzda giňden bellenilýän Ylymlar güni mynasybetli aýdym-sazly baýramçylyk dabarasy geçirildi.

     Ýaňy-ýakynda Lebap welaýat kitaphanasynyň öňündäki meýdançada ýurdumyzda giňden bellenilýän Ylymlar güni mynasybetli aýdym-sazly baýramçylyk dabarasy geçirildi.Dabara Lebap welaýat, şäher häkimlikleriniň, iri jemgyýetçilik guramalarynyň wekilleri, il sylagly ýaşulular, bilim, medeniýet işgärleri, Seýitnazar Seýdi adyndaky Türkmen döwlet mugallymçylyk institutynyň, orta hünär okuw mekdepleriniň mugallymlary we talyp ýaşlar gatnaşdylar.

     Dabarada çykyş edenler Berkarar döwletimiziň täze eýýamynyň Galkynyşy döwründe Hormatly Prezidentimiziň alyp barýan içeri we daşary syýasatlaryndan ugur alyp bilim edaralaryny döwrüň talaplaryna we häzirki zaman ülňülerine laýyk derejede kämilleşdirmek, täze sapaklary, aýratyn-da, sanly ulgam bilen baglanyşykly sapaklary girizmek dogrusynda buýsançly gürrüň etdiler.

     Türkmen ylmyny döwrebap derejede ösdürýän, alymlara ylmy gözlegler bilen meşgullanmaga giň mümkinçilikleri döredip berýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Aýjahan MOLLAÝEWA,

Türkmenistanyň Magtymguly adyndaky

Ýaşlar guramasynyň Lebap welaýat

Geňeşiniň guramaçylyk bölüminiň esasy hünärmeni.

Köp okalanlar