Nah ýüplükleriniň 142 tonnasy eksport edildi

Türkmenabat pamyk egriji fabriginde ýokary hilli nah ýüplükleriniň öndürilişi ýylsaýyn ýokarlanýar. Bu ýerde häzirki wagtda sarp edijileriň buýurmalary esasynda nah ýüplükleriň 14-lik, 17-lik, 20-lik, 27-lik, 34-lik ýaly görnüşleri öndürilýär.

Fabrikde şu ýylyň ýanwar — iýul aýlarynda nah ýüplükleriň 1 müň 612 tonnasy taýýarlanyldy. Degişli döwürde edilen işleriň pul hasabyndaky möçberi 28 million 758 müň 886 manatlyga deň boldy.

Geçen ýarym ýylda fabrigiň nah ýüplükleriniň 142 tonnasy, pul hasabynda bolsa 2 million 6 müň 595 manatlygy eksporta ugradyldy.

Köp okalanlar