Öňdebaryjylar sylaglandy

Şanly Garaşsyzlygymyzyň 32 ýyllyk baýramçylygy mynasybetli welaýat maliýe-ykdysady orta hünär okuw mekdebinde baýramçylyk çäresini geçirdik. Oňa partiýa agzalarymyz, welaýatymyzyň önümçilik kärhanalarynyň işgärleri gatnaşdylar. Ildeşlerimiziň baýramçylyk çykyşlarynda şanly ýylymyzda ýurdumyzyň oba hojalyk pudagynyň işini öňe ilerletmek, kärhanalaryň önümçilik kuwwatyny artdyrmak ugrunda durmuşa geçirilýän özgertmeleriň oňyn netijeleri dogrusynda söz açyldy. Baýramçylyk çäresiniň dowamynda kärhanalar boýunça öňde goýlan maksatlara ýetmekde aýratyn gaýratlylyk görkezýän işgärleri, ilkinji partiýa guramalaryny we hormatly Prezidentimiziň alyp barýan daşary we içeri syýasatyny wagyz etmekde tapawutlanýan agzalarymyzy Hormat hatlary we baýramçylyk sowgatlary bilen sylagladyk. Türkmenabadyň galla önümleri kärhanasynyň, Türkmenabat şäherindäki 1-nji çörek kärhanasynyň, Türkmenabadyň ýüpek önümçilik birleşiginiň, Türkmenabadyň pagta egriji fabriginiň ilkinji partiýa guramalarynyň ýurdumyzyň syýasy we medeni durmuşyndaky ýokary işjeňligine aýratyn hoşallyk bildirildi.

Köp okalanlar