Täjigistandaky aýdym bäsleşigine gatnaşdylar

Täjigistan Respublikasynyň Duşenbe şäherinde zehinli ýaş aýdymçylaryň III halkara bäsleşigine Çärjew etrabyndaky çagalar sungat mekdebiniň hor topary hem gatnaşdy. Ilgar Atahanowyň ýolbaşçylygyndaky bu topar bäsleşikde Rejep Allaýarowyň sazyna, Gurbannazar Ezizowyň sözlerine döredilen «Kebelek» atly aýdymy ýerine ýetirdi.

Zehinli çagalaryň ýerine ýetiren aýdymlarynyň hoş owazy emin agzalarynda we tomaşaçylarda ýakymly täsirleri galdyrdy. On bäşe golaý döwletden zehinli çagalaryň gatnaşmaklarynda geçirilen bäsleşikde ýokarda ady agzalan çagalar hor topary birinji orna mynasyp boldy. Lebaplylar halkara bäsleşigiň ýapylyş dabarasynda bolsa Gurbannazar Ezizowyň sözlerine, Batyr Soltanowyň sazyna döredilen «Ýagyş ýagýar» atly aýdymy ýerine ýetirdiler.

Köp okalanlar