Türkmenabadyň esport topary Dünýä çempionatynyň saýlama ýaryşyna gatnaşar

     Türkmenabat şäheriniň «Rysgal Esport» topary Türkmenistanyň Elektron sport federasiýasy (TMSeF) tarapyndan 15 ― 20-nji awgust aralygynda geçiriljek ýaryşa gatnaşar.

Bu ýaryş, aslynda, dünýä çempionatynyň saýlama tapgyrydyr. Dünýä çempionaty şu ýylyň 11 ― 16-njy dekabry aralygynda Global elektron sport federasiýasy tarapyndan Saud Arabystanynyň Er-Riýad şäherinde geçiriler.

Türkmenabat şäheriniň topary Dota-2 boýunça ýaryşlara gatnaşar. Toparyň düzüminde «Snowa Ya» lakamly Arslan Çaryýew, «Zxc» lakamly Muhammetnur Rozyýew, «Yabam Begam» lakamly Ramazan Rejebow, «Blurpi» lakamly Döwlet Jowmardow, «Chassman» lakamly Wiktor Tsoý (kapitan) hem-de «Dorsey» lakamly Timur Akyýew dagylar bar. Bu topar şäherde TMSeF tarapyndan hasaba alnan «X Gamer» kibersport klubynyň binýadynda döredildi.

Köp okalanlar