Türkmenabadyň pagta egriji fabriginde 117 million manada golaý önüm taýýarlanyldy

     Türkmenabadyň pagta egriji fabriginde 2026-njy ýylyň başyndan bäri 3 müň 99 tonnadan gowrak nah ýüplük öndürildi. Şonuň 2 müň 856 tonnadan gowragy sarp edijilere ugradyldy. Bu barada «Türkmen gündogary» gazetinde habar berildi.

     Habarda bellenilişi ýaly, geçen ýylyň degişli döwri bilen deňeşdirilende önüm öndürmek boýunça ösüş depgini 105,7 göterime deň boldy. Ýylyň başyndan bäri 116 million 838 müň 787 manatlyk harytlyk önüm taýýarlanylyp, bu babatda bellenilen meýilnama 100 göterim berjaý edildi.

     Fabrikde Germaniýanyň, Italiýanyň meşhur kompaniýalarynyň dokma enjamlary oturdylandyr.

     Kärhananyň egirme bölüminde ikleriň 1200-si, egirme maşynlarynyň bolsa 24-si bolup, esasan, halkaly egirme işi ýerine ýetirilýär. Saraýjy bölümde agramy 1,5 kilogramdan gowrak bolan ýumaklar taýýarlanylýar. Önümçilik kärhanda, esasan-da, nah pagta ýüplükleriniň 20; 27; 34 belgili görnüşleri öndürilýär.

Köp okalanlar