“Ýaşlar – Watanyň kuwwatly güýji ” ady bilen wagyz-nesihat duşuşygy geçirildi.

      Golaýda Türkmenistanyň Magtymguly adyndaky Ýaşlar guramasynyň Lebap welaýatynyň Saýat etrap Geňeşiniň gurnamagynda Saýat etrap hassahanasynda raýatlaryň, ýaş lukmanlaryň gatnaşmagynda Berkarar döwletiň täze eýýamynyň Galkynyşy döwründe 2025-2026-njy okuw ýylynda umumybilim berýän orta mekdepleriň okuwçylarynyň arasynda bolup biläýjek kanun bozulmalarynyň öňüni almak, öz janyňa kast etmezlik ýaly hereketleriň, tebigaty goramak, tertip-düzgüni berjaý etmek, ýurdumyzda durmuşa geçirilýän döwlet syýasaty barada hem-de türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň döwlet galamyndan gelip çykan ajaýyp kitaplaryny geljegimiz bolan nesillerimize düşündirmek we olaryň watançy ýaşlar bolup ýetişmeklerini gazanmak maksady bilen “Ýaşlar – Watanyň kuwwatly güýji ” ady bilen wagyz-nesihat duşuşygy geçirildi.

    Duşuşygyň dowamynda ýurdumyzda adam üçin, ýaşlar üçin olaryň sagdyn ösmegi, aňly-düşünjeli, gelejekde Watanymyza, halkymyza gerekli ýaşlar bolup ýetişmekleri üçin Gahryman Arkadagymyzyň, Arkadagly Gahryman Serdarymyzyň döredip berýän giň mümkinçilikleri dogrusynda çykyşlar diňlenildi.

      Duşuşygyň ahyrynda oňa gatnaşanlar türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny tüýs ýürekden arzuw etdiler.

Şemşat HOŞYÝEWA,

Türkmenistanyň Magtymguly adyndaky

Ýaşlar guramasynyň Lebap welaýatynyň

Saýat etrap Geňeşiniň uly buhgalteri.

Köp okalanlar