«Ýollarymyz asuda-illerimiz abadan» ady bilen wagyz-nesihat duşuşugy geçirildi.

      Golaýda Lebap welaýatynyň Dänew etrabynyň 6-njy orta mekdebinde Türkmenistanyň Magtymguly adyndaky Ýaşlar guramasynyň Lebap welaýatynyň Dänew etrap Geňeşi, etrap hukuk goraýjy edaralary, etrap Bilim bölümi bilen bilelikde guramagynda 6-njy orta mekdebiň ýokary synp okuwçylaryň gatnaşmagynda «Ýol hereketiniň howpsuzlygy-ömrümiziň rahatlygy» atly biraýlygyň dowamynda geçirilýän çärelerden ugur alyp, «Ýollarymyz asuda-illerimiz abadan» ady bilen wagyz-nesihat duşuşugy geçirildi.

       Duşuşykda çykyş edenler ýollarda awtoulag serişdeleriniň köpelmegi netijesinde olaryň hereketleriniň ýygjamlaşýandygy, bu bolsa köçe-ýol hereketiniň howpsuzlygyna ünsüň güýçlenmegini talap edýändigi, ýollaryň hadysasyz bolmagynda sürüjiler bilen bilelikde pyýadalaryň hem jogapkärçiliginiň artýandygy barada belläp geçdiler.

       Duşuşygyň ahyrynda asuda asmanyň astynda, parahat zeminiň üstünde türkmen halkyny bagtyýar durmuşda ýaşadýan türkmen halkynyň Milli Lideri, Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Melike ROZYÝEWA,

Türkmenistanyň Magtymguly adyndaky

Ýaşlar guramasynyň Lebap welaýatynyň

Dänew etrap Geňeşiniň guramaçylyk bölüminiň baş hünärmeni.

Köp okalanlar